Storm Surge na dulot ng Bagyong Pepito
Nobyembre 16, 2024
DALUYONG NG BAGYO
Ito ay ang di-pangkaraniwang pagtaas ng tubig sa baybayin na dulot ng malakas na hangin mula sa isang matinding bagyo. Ito ang nagiging dahilan ng malawakang pagbaha sa mga komunidad na malapit sa dagat, kasabay ng pagdating ng bagyo sa kalupaan."
Magbasa PaBAKIT NAGKAKAROON NG DALUYONG NG BAGYO?
Ang daluyong ng bagyo ay nagdudulot ng pagbaha na maaaring umabot ng kilometro, depende sa hugis at lalim ng baybayin. Kasabay ng malalakas na alon at hangin, ito ay may kakayahang burahin o tangayin ang anumang madaanan nito.
Magbasa PaNagkakaroon ng daluyong ng bagyo sa lugar kung saan tatama ang bagyo sa lupa. Mas malakas ang bagyo at mas mababaw ang baybayin, mas mataas ang posibilidad ng matinding pagtaas ng tubig, na nagdudulot ng malaking pinsala sa mga mabababang lugar na malapit sa dagat. Ang matinding pagbaha sa mga komunidad na nasa mabababang lugar at malapit sa dagat ay isa sa mga pangunahing epekto ng daluyong ng bagyo.
Magbasa PaBAKIT NAGKAKAROON NG DALUYONG NG BAGYO?
MALAKAS NA HANGIN AT EPEKTO NG PRESYON
Ang malakas na hangin mula sa bagyo at ang pagbaba ng presyon sa mata ng bagyo ay kadalasang nagdadala ng matinding daluyong ng bagyo.
MALAKAS NA ULAN
Ang malakas na ulan, kasama ang lakas ng hangin mula sa bagyo, ay nakakadagdag sa dami at taas ng daluyong ng bagyo sa baybayin.
EPEKTO NG PAGTAAS NG TUBIG (TIDAL EFFECT)
Mas mataas ang daluyong ng bagyo kung ito ay kasabay ng high tide (taob).
HUGIS NG BAYBAYIN AT LALIM NG DAGAT
Mas mataas ang posibilidad ng matinding daluyong ng bagyo sa mga lugar na may mababaw na baybayin.
Photo taken from https://www.latimes.com/world-nation/story/2024-07-25/typhoon-gaemi-hits-chinas-coast-after-leaving-25-dead-in-taiwan-and-the-philippines
Photo taken from https://www.bworldonline.com/economy/2023/11/30/560849/disaster-spending-fell-52-4-in-2022-psa/
Photo taken from https://www.sciencefocus.com/planet-earth/would-it-be-possible-to-surf-a-tidal-wave
Photo taken from https://www.flickr.com/photos/eazy360/52586819775
MGA KAUGNAY NA BALITA
San Jose, Camarines Sur
Luzon, Visayas
Storm Surge sa dalawampu't isang barangay sa Luzon at Visayas
Hulyo 15, 2014
Barangay Poblacion, Lungsod ng Talisay
Isang Low Pressure Area ang naging sanhi ng storm surge at dahilan ng pagkasira ng maraming bahay
Nobyembre 08, 2018
Lungsod ng Legazpi, Albay
Storm Surge na dulot ng Bagyong Haiyan
Nobyembre 8, 2013
Lungsod ng Tacloban, Leyte
Isang barko ang inanod sa mga kabahayan dahil sa storm surge na dulot ng Super Typhoon Yolanda
Nobyembre 11, 2013
PAGHAHANDA PARA SA STORM SURGE
01 Alamin kung may banta ng storm surge sa inyong lugar.
Palaging makinig sa mga babala ng PAGASA upang malaman kung delikado ang inyong lugar.
02 Makinig sa balita tungkol sa panahon at maging alerto sa mga babala.
Kapag may bagyo, mahalagang manatiling updated sa balita upang malaman kung may paparating na masamang panahon.
03 Alamin ang ligtas na lugar ng paglilikasan at ang pinakamadali at pinakaligtas na ruta patungo roon.
Siguraduhin na alam mo kung saan ang evacuation center sa inyong lugar bago pa dumating ang bagyo o panganib.
04 Siguraduhin na ligtas ang inyong bahay. Ilagay sa mataas na lugar ang mahahalagang gamit.
Bago pa dumating ang bagyo o baha, mahalagang ihanda ang bahay upang maiwasan ang pinsala sa mga kagamitan.
05 Maghanda ng survival kit bag na may mga pangunahing pangangailangan ng pamilya.
Siguraduhin na madaling madadala ang survival kit bag at nakalagay sa isang lugar na madaling makuha kung kinakailangang lumikas agad.
06 Bago lumikas, patayin ang main switch ng kuryente, tubig, at tangke ng LPG.
Mahalagang patayin ang mga mapanganib na linya upang maiwasan ang sunog, pagkakuryente, at iba pang aksidente.
07 Kung may abiso mula sa mga awtoridad, agad na lumikas patungo sa mataas at ligtas na lugar.
Kapag may alerto o abiso mula sa PAGASA, LGU, o opisyal ng barangay, huwag nang mag-atubiling lumikas.
MGA DAPAT GAWIN KAPAG MAY STORM SURGE
01 Huwag lumabas ng bahay o evacuation center at patuloy na makinig sa ulat ng panahon.
Manatili sa ligtas na lugar at makinig sa balita upang malaman ang pinakahuling update tungkol sa bagyo.
02 Huwag pumunta sa baybayin o pumalaot sa dagat.
Mapanganib ang mataas na alon at malakas na agos ng tubig dulot ng storm surge.
03 Huwag hawakan ang anumang gamit na may kuryente kung ikaw ay basa o nakatayo sa tubig.
Maiiwasan ang electrocution sa pamamagitan ng pagiging maingat sa paligid.
MGA DAPAT GAWIN PAGKATAPOS NG STORM SURGE
01 Alamin kung may nawawalang kamag-anak o kakilala at ipagbigay-alam ito sa mga awtoridad.
Makipag-ugnayan sa mga barangay o rescue team para sa mabilisang paghahanap.
02 Dalhin sa ospital ang mga nasugatan o may sakit.
Agad na magpasuri sa pinakamalapit na pagamutan kung kinakailangan.
03 Mag-ingat sa pagbabalik sa bahay, lalo na kung may natumbang poste o nasirang istruktura.
Siguraduhing ligtas ang inyong tahanan bago pumasok.
04 Linisin nang mabuti at i-disinfect ang tubig na gagamitin sa pang-araw-araw na gawain.
Iwasan ang pag-inom ng tubig mula sa gripo kung hindi sigurado kung ito ay malinis at ligtas inumin.